910
EN RU


Həzm sistemi xəstəlikləri

Həzm sistemi xəstəlikləri

 

 

 

 

 

 

 

 

 

 

 

 

 

 

 

 Müasir həyat ritmi, daimi stress vəziyyətləri, qeyri-düzgün və qeyri-müntəzəm qidalanma, eləcə də əlverişsiz ekoloji amillər həzm sistemi xəstəliklərinin gündən-günə artmasına səbəb olur.

Aşağıda qeyd olunan orqanlarda həzm sistemi xəstəliklərinə rast gəlinir:

-         Qida borusu

-         Mədə

-         Nazik və yoğun bağırsaqlar

-         Mədəaltı vəz

-         Qaraciyər

-         Öd kisə və öd yolları

Həzm sistemi xəstəliklərinin aşağıdakı əsas əlamətləri var:

-                 Ağızda acılıq;

-                 Ağız suyu ifrazının artması;

-                 Udma zamanı narahatlıq və ağrılar;

-                 Qıcqırma;

-                 Gəyirmə;

-                 Hıçqırma;

-                 Ürəkbulanma;

-                 Qusma;

-                 Mədə və qarın nahiyəsində ağrılar;

-                 Nəcisin rənginin və qatılığının dəyişməsi;

-                 Qarında qurultular;

-                 Köp;

-                 İshal;

-                 Qəbizlik;

-                 İştahanın pozulması.

Həzm sistemi xəstəlikləri zamanı aşağıda göstərilən digər əlamətlər də müşahidə oluna bilər. Bu əlamətlər bağırsaqlarda həzm və sorulma, eləcə də normal mikrofloranın pozulmasına gətirib çıxarır.

-                 Arıqlama;

-                 Ümumi zəiflik;

-                 Dəri quruluğu;

-                 Dırnaqların nazikləşməsi və sınması;

-                 Saçların tökülməsi;

-                 Dilin relyefli olması və qızarması;

-                 Ağız bucaqlarında çatlar;

-                 Görmənin pozulması;

-                 Sümüklərdə ağrılar.

Aşağıda göstərilən əlamətlər öd kisəsi və öd yolları, qaraciyər və mədəaltı vəz xəstəliklərinin birbaşa əlamətləri ola bilər:

-         Ağızda acılıq;

-         Sarılıq;

-         Sarılıq fonunda dəri qaşınmaları;

-         Sağ qabırğaaltı nahiyədə ağrılar;

-         Qarında və ayaqlarda şişkinlik.

Yuxarıda göstərilən həzm sistemi xəstəliklərinin əlamətlərindən hər hansı birini özünüzdə müşahidə edirsinizsə, mütləq şəkildə qastroenteroloqa müraciət edin.