Bədənin bütün nahiyələrində və ya müəyyən qismində baş verə bilən rahatsız edici,kontrol edilə bilməyən bir hissdir. Qaşıntı nəticəsində hamar olmayan dəri görüntüsü insan psixoloji və sosial olaraq da təsir edə, həyat keyfiyyətini azalmasına səbəb ola bilər.
Dəridə qaşıntının səbəbləri
Səbəb: Həddindən Artıq Quru Dəri
Dərinin həddindən artıq quruması ciddi qaşınmaya səbəb ola bilər. Bu problem əsasən soyuq havalarda daha geniş yayılır. Eyni zamanda yaş artdıqca dəri quruluğunun da artması göz ardı edilməməlidir.
Qorunma üsulları:
Dərinizin quruluğunu azaltmaq üçün nəmləndirici vasitələrdən və dəri tipinə uyğun baxım məhsullarından istifadə
Səbəb: Həşərat Sancmaları
Ağcaqanad sancması qısa müddət ərzində keçən qaşınma yaradır. Lakin yataq böcəkləri, bitlər və gənə kimi həşəratlar uzunmüddətli və davamlı qaşınmaya səbəb ola bilər.
Qorunma üsulları:
Adətən bu kimi hallarda soyuq kompres istifadə edilə bilər
Səbəb: Bəzi Dəri Xəstəlikləri
Bəzi dəri xəstəlikləri ciddi qaşınmaya səbəb ola bilər. Bunlara daxildir:
- Atopik dermatit
- Psoriaz
- Neyrodermatit
- Su çiçəyi və s.
Qorunma üsulları:
Dəqiq diaqnoz qoyulması və müvafiq müalicə texnikası üçün dermatoloqa müraciət edin. Əgər sizdə atopik dermatit və ya psoriaz varsa, dermatoloqun tövsiyələrinə əsasən qaşınmanı azaltmaq mümkündür.
Səbəb: Dəri Xərçəngi
Sadəcə dəri deyil qaraciyər,mədə və pankreas xərçəngi də qaşınmaya səbəb verə bilir.
Qorunma üsulları:
Əgər sizdə təkrarlayan qaşınmalar varsa səbibi təyin etmək üçün mütləq dermatoloqa müraciət edin.
Səbəb: Daxili Xəstəliklərin Əlaməti
Uzun müddətli qaşınma bəzi daxili xəstəliklərin əlaməti ola bilər:
- Qan xəstəlikləri
- Diabet
- Qaraciyər və böyrək xəstəlikləri
- HİV
- Qalxanabənzər vəzin hiperaktivliyi.
Qorunma üsulları:
Həkiminizin təyini etdiyi müvafiq qan testləri ilə diaqnozu dəqiqləşdirin və uyğun müalicə prosedurlarına başlayın.
Allergik Reaksiyalar
Dəri, allergiyaya səbəb olan müxtəlif maddələrə reaksiya göstərə bilər. Bunlara ətirlər, şampunlar, kosmetik məhsullar və s. daxildir.
Qorunma üsulları:
Allergiyaya səbəb olan maddəni müəyyən etmək və gündəlik yaşam tərzindən kənarlaşdırmaq lazımdır.
Səbəb: Dərmanlar və Müalicələr
Bəzi dərmanlar və xərçəng müalicələri dərinizin qaşınmasına səbəb ola bilər.
Qorunma üsulları:
Dərman və ya müalicə təyin edən həkimə müraciət edərək qaşınmanı yüngülləşdirən tövsiyələr alın.
Səbəb: Psixolojik,neyrogen faktorlar
Sinir zədələnməsi,stress və s. Kimi faktorlar səbəblər arasında yer tutur.
Qorunma üsulları:
Belə hallarda iki növ mütəxəssis həkimə
- Dermatoloq
- Nevroloq və ya Psixiatra paralel müraciət məsləhətlidir.
Dəridə qaşıntı barəsində sıx-sıx soruşulanlar
Hamilələrdə qaşıntı hissi niyə artır?
Hamilə xanımlarda baş vermiş hormonal dəyişiklik qaşıntı hissini artırır.Əgər yanaşı hər hansı bir problem yoxdursa və bütün müayinə nəticələri qaydasındadırsa narahatlığa əsas yoxdur.
Qaşıntı zamanı qanda hansı vitaminlərin səviyəsinin təyini vacibdir?
Dəriniz xroniki olaraq qaşınırsa vitamin testlərinin verilməsi faydalır, xüsusi ilə B12 VƏ A vitamini çatışmazlığı qaşıntıya səbəb ola bilər.
Qaşıntıya qarşı evdə nə edə bilərəm?
Nəmləndirici losyonlar istofadəsi, ilıq su ilə duş alınması və ya soyuq kompreslər qqqevdə qaşıntının azalmasına müsbət təsir edə bilər.
Qəflətən başlayan qaşıntı zamanı hansı ardıcıllıqla hərəkət etməliyəm?
İlkin olaraq qaşıntı səbəbini və ya təsir edici maddəni təyin edin. Səbəbdən uzaqlaşın və qaşıntı davam edərsə dermatoloqa müraciət edin.
Qaşıdıqca qaşınma hissini artırır,dəri tamlığını pozuruq.Bu səbəbdən vaxtında mütəxəssisə müraciət etməyi unutmayaq!