NIPT testi heç bir invaziv müdaxilə olmadan yalnız anadan alınan qan nümunəsi vasitəsi ilə döldə genetik xəstəliklərin skrininqidir. Hamiləliyin ilk həftələrindən bəzi fetal hüceyrələr ananın qanına daxil olur və hamiləlik zamanı ananın qanında tapılır. Bu testlə hamiləlik zamanı ən çox rast gəlinən xromosom anomaliyaları (Daun sindromu, Patau sindromu, Edvards sindromu) ilə yanaşı bəzi mikrodelesiya sindromları da aşkar edilə bilər.
NIPT Testinin Üstünlükləri və Dezavantajları Nələrdir?
Hamiləlik zamanı rast gəlinən ciddi xromosom anomaliyalarını aşkarlamağa imkan verən, hamiləliyin müntəzəm təqiblərində edilən ikili və üçlü skrininq testlərindən qat-qat yüksək etibarlılığa malikdir. İnvaziv müdaxilə tələb olunmadığı üçün prosedur ağırlaşmaları və düşüş ehtimalı yoxdur.
Aşağı riskli NIPT testi nəticəsi körpənin genetik cəhətdən tamamilə sağlam olacağı demək deyil, çünki test yalnız müəyyən DNT bölgələrini araşdırır. Tədqiq olunan xromosomlar və genetik xəstəliklər baxımından 98%-dən çox dəqiqliyə malik olmasına baxmayaraq, NIPT testi diaqnostik test deyil, skrininq testidir. Buna görə də, nəticə riskli olarsa, müdaxiləli prenatal testlə dəstəklənməlidir.
NIPT analizi nə vaxt və necə aparılır?
Testin tətbiq oluna bilməsi üçün ana qanından alınan müəyyən miqdarda fetal DNT mövcud olmalıdır. Bu səbəbdən hamiləliyin 10-cu həftəsindən etibarən edilməsi tövsiyə olunur.
Trisomiya nədir və necə yaranır?
Trisomiya, normal olaraq biri anadan, biri atadan olan 2 ədəd gələn xromosom məlumatının üçüncü dəfə hüceyrələrdə yer almasıdır. Bu əlavə xromosom, yəni DNT məlumatı müxtəlif genlərin hüceyrə səviyyəsində iki dəfə deyil, 3 dəfə ifadə olunmasına səbəb olur və beləliklə də müxtəlif maddələrin istehsalında anomaliyalara səbəb olur. Hüceyrə səviyyəsində olan bu anomaliyalar körpənin bədənində əks olunduqda, biz sindromlar adlanan simptomlar toplusu ilə qarşılaşırıq.
Nümunə nəticə: Neqativ , Pozitiv
NİPT testi və digər suallarınızla bağlı, eyni zamanda online qeydiyyatdan keçmək üçün (012) 910 nömrəli Çağrı Mərkəzi və ya (055) 4000 910 nömrəli Whatsapp nömrəmizlə əlaqə saxlaya bilərsiniz.