Sumqayıt Texnologiya Data Mərkəzinə (STDC) "İlk Tibbi Yardım" təlimi

8 iyun 2023-cü il tarixində Sağlam Ailə Tibb Mərkəzi tərəfindən "Sumqayıt Texnologiya Data Mərkəzi" MMC (STDC) əməkdaşları üçün “İlk Tibbi yardım” təlimi keçirilmişdir.

Aşağı və yuxarı hərarət, ağır təzyiq altında sıxılma, qanaxmanın dayandırılması, süni tənəffüs verilməsi, ürəyin qapalı masajı, yaralara sarğı qoyulması, ən qısa müddətdə zərərçəkmişin yaxınlıqdakı müalicə müəssisəsinə çatdırılması ilə bağlı əyani və praktiki məlumatlar verilib.

Təlimin məqsədi, baş vermiş xoşagəlməz hadisələr zamanı psixoloji vəziyyətin tənzimlənməsi, davranış qaydaları, ilk tibbi yardım hazırlığı ilə bağlı əməkdaşları maarifləndirməkdir.

Təlimin sonunda iştirakçılara sertifikat təqdim edilmişdir.