PLGF (placental growth factor - cift böyümə faktoru ) analizi hamiləliyin ciddi fəsadı sayılan pre-eklampsiya riskinin təyini üçün nəzərdə tutulub.
Pre-eklampsiya nədir?
Pre-eklampsiya hamiləliyin 20-ci həftəsindən sonra hipertenziya (yüksək arterial təzyiq) və proteinuriya(sidikdə zülalın olması) ilə xarakterizə olunan hamiləliyin ciddi fəsadıdır. Pre-eklampsiya 5-10% hamiləliklərdə rast gəlinir. Döldə və ya yenidoğulmuş uşaqlarda ciddi fəsadlara və hətta ölümə gətirib çıxarır. Ana və döl fəsadlarının əsas səbəblərdən biri sayılır. PLGF analizi ilə hamiləliyin 20-ci həftəsindən sonra pre-eklampsiya riskini müəyyənləşdirmək və onun kliniki başlamasından 3-5 həftə öncə proqnozlaşdırmaq olar.
Bu isə həkim mama-ginekoloq üçün əvəzolunmaz məlumatdır. Çünki pre-eklampsiyanın erkən diaqnostikası və profilaktik müalicə hamiləliyin gedişatını korreksiya etməyə imkan verir.
- Analiz dirsək venasından götürülmüş qan nümunəsində yoxlanılır.
- Xüsusi bir hazırlıq tələb olunmur.
- Hamiləliyin 12-13 həftəsində PAPP-A (hamiləliklə assosiasiya olunan plazma zülalı) analizi ilə bir yerdə təyin olunması, dölün bətndaxili inkişafının ləngiməsininin öyrənilməsinə böyük kömək edir.
- Hamiləliyin 17-ci və 21-ci həftəsində verilən PLGF testi ciftin qan dövranından xəbər verir. Cift qan dövranının pozulması isə bildiyimiz kimi döl üçün çox ciddi fəsadlara səbəb ola bilər.
Referens dəyərləri (pg / ml)
10-14 həftə. - 22 - 71.3
15-19-cu həftələrdən. - 65.7 - 203
20-23 həftə. - 125 - 541
24-28 həftədən. - 130 - 1108
29-33 həftədən. - 73.3 - 1108
34-36 həftədən. - 62.7 - 972
37-ci həftə və kənarda - 52.3 - 659
Artım səbəbləri:
normal - PLGF səviyyəsi hamiləliyin 30-cu həftəsində tədricən artır.
PLGF səviyəsinin normaldan aşağı düşməsi preeklampsiya göstəricisi ola bilər.
.