Обследования
Обследования
İdmançılar üçün damardaxili (IV) vitamin terapiyası – Orqanizmin ehtiyatlarını sürətlə bərpa etməyin və intensiv fiziki yüklənmədən sonra qısa müddətdə yenidən forma qazanmağın effektiv yoludur. Bu terapiya təkcə peşəkar idmançılar üçün deyil, həmçinin müntəzəm fiziki fəaliyyətlə məşğul olan, aktiv həyat tərzi sürən insanlar üçün də tövsiyə olunur.
Tərkibində vitaminlər, mikroelementlər və amin turşuları olan bu infuzion məhlullar birbaşa qan dövranına daxil edilir. Həzm sistemini keçmədiyi üçün maddələrin sorulması sürətli və tam şəkildə baş verir, təsiri isə qısa müddətdə hiss olunur. Bədəndəki enerji balansı, əzələ regenerasiyası və ümumi funksional bərpa prosesi gücləndirilir.
Damardaxili vitamin terapiyası hazırda dünyada fiziki performansın artırılması, stressin azaldılması və immun sisteminin gücləndirilməsi məqsədilə geniş istifadə olunur. Sadəcə bir kurs IV terapiya, bir həftəlik vitamin-mineral kompleksinin qəbuluna bərabər təsir göstərə bilər.
- İmmunitetin gücləndirilməsi;
- Kollagen və elastin sintezinin yaxşılaşdırılması;
- Enerji səviyyəsinin və ümumi gücün artırılması;
- Su-elektrolit balansının normallaşdırılması;
- Ürək əzələsinin və dayaq-hərəkət sisteminin möhkəmləndirilməsi;
- Toksiki metabolitlərin utilizasiyası;
- Güclü antioksidant təsir, hüceyrə və toxumaların oksigenlə zənginləşdirilməsi;
- Maddələr mübadiləsinin yaxşılaşdırılması;
- Əzələ spazmlarının və gərginliyinin aradan qaldırılması;
- Toxuma regenerasiyası və sağalma proseslərinin stimullaşdırılması;
- Vegeterianlarda əvəzolunmaz amin turşularının defisitinin profilaktikası.
Bu IV terapiya təkcə peşəkar idmançılar üçün deyil, bir çox hallarda geniş əhali üçün də effektiv dəstək vasitəsidir. Aşağıdakı vəziyyətlərdə bu terapiyaya ehtiyac yarana bilər:
• Yüksək fiziki yüklənmələr və ya ağır fiziki əmək fəaliyyəti zamanı;
• Travmalardan və əməliyyatlardan sonrakı bərpa dövründə;
• Sürətli yorğunluq və enerji çatışmazlığı hallarında;
• Dərinin elastikliyinin və təravətinin azalması zamanı;
• İmmunitet sisteminin zəiflədiyi, tez-tez xəstələnmələrlə müşayiət olunan hallarda;
• Saçların tökülməsi və dırnaqların kövrəkləşməsi kimi kosmetik pozuntular zamanı.