Neyropatiya + encefalopatiya

Neyropatiya və ensefalopatiya kimi sinir sistemi pozğunluqları insanın həyat keyfiyyətini əhəmiyyətli dərəcədə azalda bilər. Bu vəziyyətlər adətən xroniki yorğunluq, ətraflarda keyimə və iynələnmə hissi, baş ağrıları, yaddaş zəifləməsi və hərəkət koordinasiyasının pozulması ilə müşayiət olunur.

Müasir yanaşmalardan biri olan intravenoz (IV) terapiya sinir sisteminin funksional vəziyyətinin yaxşılaşdırılmasına dəstək verir. Bu terapiya vasitəsilə vitaminlər, minerallar, antioksidantlar və neyroprotektiv maddələr birbaşa qan dövranına daxil olur. Nəticədə sinir toxumalarının qidalanması bərpa edilir, beyin və periferik sinirlərin qan təchizatı yaxşılaşır və hüceyrə səviyyəsində bərpa prosesi stimullaşır. Bu, həm simptomların yüngülləşməsinə, həm də sinir hüceyrələrinin uzunmüddətli qorunmasına şərait yaradır.

Neyropatiya – periferik sinir sisteminin zədələnməsi ilə xarakterizə olunan bir haldır. Əsasən ətraflarda keylik, yanğı, iynələnmə hissi, ağrı və əzələ zəifliyi ilə özünü göstərir. Bu pozğunluq şəkərli diabet, B qrupu vitaminlərin çatışmazlığı, toksinlərin təsiri və ya bəzi infeksiyalardan sonra inkişaf edə bilər.

Ensefalopatiya – beynin funksional və ya struktur zədələnməsidir. Səbəblərinə oksigen çatışmazlığı, qan dövranı pozğunluğu, toksin yüklənməsi, travmalar və maddələr mübadiləsinin pozulması daxildir. Ensefalopatiya hallarında pasiyentlərdə əsəbilik, yuxu pozuntusu, yaddaş zəifləməsi, başgicəllənmə və ümumi zehni funksiyalarda zəifləmə müşahidə oluna bilər.

IV terapiya bu cür pozğunluqlarda təkcə əlamətlərin aradan qaldırılmasına deyil, eyni zamanda orqanizmin sinir sistemini hüceyrə səviyyəsində dəstəkləməsinə xidmət edir.