Həkim qəbuluna yazılmaq üçün (012) 910 nömrəli Çağrı Mərkəzimizlə əlaqə saxlaya və ya (055) 4000 910 whatsapp nömrəmizə qeyd edə bilərsiniz.  Əlavə olaraq qeyd edək ki, http://www.saglamaile.az saytımızın və rəsmi sosial media hesablarımızın ismarıc bölməsindən yazaraq onlayn qeydiyyatdan keçə bilərsiniz.

Qanın ümumi analizinə eritrositlər, hemoqlobin, leykositlər, rəng göstəriciləri, hematokrit, retikulositlər, trombositlər aiddir.

Klinikamızın əsas fəaliyyəti olan laborator müayinələr haqqında ətraflı məlumatı saytımızın “Müayinələr” bölməsindən və ya linkə keçid edərək əldə bilərsiniz. Bu bölmədə müayinlər haqqında önəmli məlumatlar tapacaqsınız. Hər müayinə üçün hazırlıq mərhələsi spesifik olduğundan həmin bölmədə “Hazırlıq” hissəsinə keçid edərək öyrənə bilərsiniz.

Klinikamızda geniş spektrli laborator müayinələr aparmaqla birlikdə bir sıra funksional müayinələr də aparmaqdayıq. Bunlara elektrokardioqramma, exo-kardioqramma, elektroensefaloqrafiya (EEQ), rentgenoloji, ultrasəs, endoskopiya, kolonoskopiya kimi müayinələr daxildir. Funksional müayinələr haqqında ətraflı məlumat almaq üçün, saytımızın “Müayinələr” bölməsinə və ya linkə keçid edə bilərsiniz.

Nəticələrin  hazır olma tarixi sizə təqdim olunan “Cavab qəbzi”ndə qeyd olunur.
Əgər, Siz qeydiyyatdan :

• 11.00-dək keçmisinizsə, cavablar qəbzdə göstərilən tarixdə saat 18.00-dan sonra.
• 11.00-dan - 15.00-dək keçmisinizsə, qəbzdə göstərilən tarixdə saat 14.00-da.
• 15.00-dan sonra keçmisinizsə, qəbzdə göstərilən tarixdə saat 18.00-da  hazır olur.
• Rus və İngilis dilində cavablar yuxarıda göstərilən tarixlərdən 24 saat sonra verilir. 

Nəticələri əldə etmək üçün göstərilən tarixə uyğun olaraq istənilən mərkəzimizə müraciət edə bilərsiniz.

Qeyd: İstisna hallarda nəticələrinizin gecikməsi mümkündür.

Nəticələrinizi mərkəzimizə gəlmədən online əldə edə bilərsiniz.
Bunun üçün qeydiyyatdan keçdiyiniz zaman e-poçt ünvanınızı qeyd edə və ya www.saglamaile.az saytında “Online Cavab” bölümündə aşağıdakı qaydalara əməl edərək əldə edə bilərsiniz:

• Sənəd Nömrəsi  xanasına “L” ilə başlayan kodu  “L” hərfi böyük olaraq daxil edin.
• Doğum ili xanasına sadəcə doğulduğunuz ili qeyd edin (gün, ay yazılmadan)

Qeyd: Cavablar e-poçt ünvanında “spam” bölümünə düşə bilir.

Check-up ümumi sağlamlıq müayinəsidir. Məqsədi xəstəlikləri ilkin mərhələdə aşkar etmək, lazımi tədbirləri görərək müalicə etməkdir. Profilaktika və erkən diaqnoz insanın həyat keyfiyyətini və rahatlığını artırmaqla bərabər, ömrünü də uzadır. Xəstəliklərin irəlilədikdən sonra müalicəsi daha çətin və daha bahalı olur.

Laboratoriyamızda işlənilməyən analizləri pasiyentlərimizə əlçatan etmək üçün ölkə xaricində ixtisaslaşmış laboratoriyalarla əməkdaşlıq edirik. Belə ki, pasiyentlərimiz uzağa getmədən analizlərinin xaricdə işlənilməsinə şərait yaradır. Əməkdaşlıq etdiyimiz laboratoriyalar hər biri Türkiyənin öndə gedən - Acıbadem, Düzen, Genetiks, Synlab, İstanbul Genetik Grubu kimi laboratoriyalardır. Uyğun analizin seçilməsi, biomaterialın götürülməsi, xüsusi hazırlanması və xüsusi şəraitdə göndərişinin təşkil edilməsi Sağlam Ailə tibb mərkəzi tərəfindən həyata keçirilir. Türkiyədən gələn cavablar ekspertlərimiz tərəfindən yoxlanıldıqdan sonra sizə təhvil verilir.

Mərkəzlərimizə yaxınlaşmadan öncə (012) 910 nömrəli Çağrı Mərkəzimizə və ya (055) 4000 910 Whatsapp nömrəmizə yazaraq onlayn qeydiyyatdan keçə bilərsiniz. Beləliklə, həm vaxtınıza qənaət edəcək, həm də Sizə uyğun saatda müayinəyə yaxınlaşacaqsınız. Qeyd etmək istərdik ki, www.saglamaile.az saytımızın və rəsmi sosial media hesablarımızın ismarıc bölməsindən də yazaraq onlayn qeydiyyatdan keçə bilərsiniz.

Sağlam Ailə Tibb Mərkəzinin Bakı şəhərində 3-Nərimanov filialı, 28 May filialı, Mikrorayon Ultralab filalı , Sumqayıt şəhərində 1, Gəncə şəhərində 1 filialı olmaqla ümumilikdə 5 filialı var. Saytımıza daxil olaraq Filiallarımız bölməsindən mərkəzlərimizin iş saatları və ünvanları ilə daha ətraflı tanış ola bilərsiniz.

Aktiv vakansiyalar haqqında saytımıza daxil olaraq “Karyera” bölməsindən tanış ola bilər bilər və mütamadi olaraq vakansiyaları izləyə bilərsiniz.

Mədəaltı vəzi mədə-bağırsaq sisteminin önəmli hissəsidir və həzm prosesini tənzimləmək üçün hormonlar istehsal edən orqandır. Şəkərli diabet mədəaltı vəzidə baş verən patoloji proseslərin nəticəsində yaranmış bir xəstəlikdir. Xəstəlik zamanı endokrinoloqa müraciət etmək lazımdır.

Müasir tibbin təklif etdiyi hamiləliyin müəyyənləşdirilməsinin ən etibarlı yolu qanda β-xorionik qonadotropin hormonunun müayinəsidir. Dölün uşaqlığın divarlarına sabitləndiyi zaman istehsal olunan hormondur və hamiləliyin 4-cü günündən etibarən aşkar olunur.

PRISCA, döldə xromosom anomaniyalarının – trisomiya 21 (Daun sindromu), trisomiya 18 (Edvards sindromu), sinir borusu qüsurları və s. kimi genetik xəstəliklərin olma riskini qiymətləndirmək üçün hamilə qadınlarda müayinə olunan skrininq testidir.

DİQQƏT: Bu analiz üçün ultrasəs müayinəsinin nəticələrinin olması mütləqdir.

Qida intoleranslığı (dözümsüzlüyü), bəzi qidaları yedikdən sonra müəyyən simptomlara səbəb olan qidalara qarşı geniş spektrli mənfi reaksiyaları təsvir etmək üçün istifadə olunan geniş bir termindir. Bunlara mədə ağrısı, şişkinlik, qaz/meteorizm, ishal, kəskin bağırsaq sindromu (İBS), səpgilər, təkrarlanan ağız yaraları və ya baş ağrıları daxildir. Bu simptomlar adətən yeməkdən bir neçə saat sonra ortaya çıxır.

Bu barədə daha ətraflı məlumatı saytımızın “Tibbi məlumatlar” bölməsindən və ya linkə keçid edərək əladə edə bilərsiniz.

Hepatit A: inkubasiya dövrü 28-40 gün təşkil edir. İlkin simptomlar yoluxmadan 2-3 həftə sonra yaranır və 2-6 ay ərzində qalır.

Hepatit B: inkubasiya dövrü geniş aralıqda (30-180 gün) dəyişib, ortalama 75 gün təşkil edir. Bu səbəblə, 3 dəfə müayinə olunmaq tövsiyyə olunur – virusla kontakdan 1, 3 və 6 ay sonra. Statistikaya əsasən, virus adətən yoluxmadan 1 ay sonra aşkarlanır.

Hepatit C: inkubasiya dövrü geniş aralıqda (2 həftə - 6 ay) dəyişir. Bu səbəblə, 3 dəfə müayinə olunmaq tövsiyyə olunur – virusla kontakdan 3, 6 və 12 ay sonra.

Hepatit D: inkubasiya dövrü 21-45 gün təşkil edir.

Hepatit E: inkubasiya dövrü 10-60 gün olub, ortalama 30-40 təşkil edir.

İstənilən narkotik vasitə qəbul edildikdən sonra qan dövranına sorulur və burada parçalanmağa başlayır. Narkotik vasitələrin qanda yoxlanılması preparatın özünün deyil, parçalanma məhsullarının təyininə əsaslanır. Aşağıdakı cədvəldə qanda, sidikdə, saç və dırnaq səthində müxtəlif narkotik və psixotrop maddələrin izlərinin aşkar edilməsi vaxtı göstərilir.

Əsas məqsədimiz pasiyentlərimizin profilaktika məqsədilə müayinələrdən keçərək doğum günləri ayında sağlamlıqlarının qayğısına qalmasıdır. “Yaşınız qədər endirim” Sağlam Ailə Tibb Mərkəzinin pasiyentlərinə özəl hazırlanmış endirim kampaniyasıdır. Belə ki, pasiyentlərimizin doğum günləri olan ayda həm laborator, həm də poliklinik müayinələrdən Yaşları qədər endirim faizi ilə keçirlər.

Mövcud olan endirimlər haqqında ətraflı məlumatı saytımızın “Endirimlər” bölməsindən əldə edə bilərsiniz.

Tibb Kartı Sağlam Ailə Tibb Mərkəzlərində qeydiyyatdan keçən hər bir şəxsə məxsus olan tibbi tarixçə kartıdır. Kart yalnız Sağlam Ailə Tibb Mərkəzlərində keçərlidir. Fərdi olduğu üçün başqa bir şəxs tərəfindən istifadə oluna bilməz. 

Kart sahibi ildə bir dəfə Qanın kliniki analizini və ya Spermoramma analizini ödənişsiz keçmək hüququna malikdir. Doğulduğunuz ay ərzində yaşınız qədər faiz endirim əldə edirsiniz. İllik dövriyyədən asılı olaraq, ödədinilən məbləğin 5% - 20%-i bonus kimi tibb kartına əlavə olunur.

“Evinizdə müayinə” xidməti çərçivəsində: Laborator analizlərin götürülməsi, Elektrokardioqramma, USM xidməti, Terapevt və pediatr həkimin müayinəsi icra edilir.

1. www.saglamaile.az saytının “Evə çağırış” bölməsində aşağıda göstərilən məlumatları daxil edərək qeydiyyatdan keçin:
- Xidmətdən istifadə edəcək pasiyent haqqında şəxsi məlumatlar (ad,soyad, ata adı, doğum tarixi, şəxsiyyəti təsdiq edən sənədin seriya nömrəsi, elektron poçt ünvanı, əlaqə nömrəsi);
- İstifadə olunacaq müayinələrin adları;
- Prosedur briqadasının çağırılma vaxtı və günü.

2. Məlumatları daxil edib qeydiyyatdan keçdikdən sonra sifariş qəbul olunur və evə çağırış briqadasının dispetçeri müayinələrin spektrini dəqiqləşdirmək üçün Sizinlə əlaqə saxlayır.

3. Eyni zamanda, Sağlam Ailə Tibb Mərkəzinin Çağrı Mərkəzi (012) 910 və ya (012) 440-13-00 nömrəsi ilə əlaqə saxlayaraq, Evə çağırış xidmətindən istifadə üçün qeydiyyatdan keçə bilərsiniz.

QEYD: Hər hansı bir səbəbdən sifarişi ləğv etmək istəyən zaman, qeydiyyatdan keçdiyiniz gün saat 20.00-dək (012) 910 nömrəsinə zəng edərək sifarişinizi ləğv edə bilərsiniz.

Qan nümunələri səhər saatlarında ac qarına götürülməlidir. Qan nümunəsinin götürülməsindən öncə fiziki və emosional gərginlik, fizioterapevtik  prosedurlar, dərman preparatları (bu halda dərman qəbulunun dayandırılması qərarı müalicə həkimi tərəfindən qəbul edilir), spirtli içki və yağlı qida qəbulu yolverilməzdir.

Hormon müayinələri üçün qan nümunələri səhər saatlarında ac qarına götürülməlidir.
Qadınlardan qan nümunələri müalicə həkiminin xüsusi göstərişləri olmadığı halda menstrual tsiklin müəyyən günlərində götürülür: LH, FSH, Estradiol hormonları tsiklin 2-5-ci (folekulyar faza) günlərində, Progesteron hormonunun 19-24-cü günlərində götürülməsi məqsədə uyğundur. Prolaktin üçün nümunələr yuxudan ən azı 2 saat sonra götürülür.

Hemostaz (qanın laxtalanması) sisteminin müayinəsi zamanı laxtalanma sisteminə təsir göstərən preperatların qəbul edilib-edilməməsi müəyyənləşdirilməlidir. Müayinə üçün ac qarına yaxınlaşmaq lazımdır.

Müayinədən 24 saat öncə qalxanvari vəzi hormon preparatlarının, həmçinin yod tərkibli dərmanların qəbulu dayandırılmalıdır. Qalxanvari vəzinin USM-nin aparılması yolverilməzdir.

Müayinə üçün səhər ilk sidik toplanır. Bunun üçün ilk 1-2 saniyə gələn sidik buraxılır və arxasından gələn orta porsiya sidik toplanır. Konteynerə təxminən 50 ml sidik toplanması kifayət edir. Analiz nümunəsi toplanmamışdan öncə cinsiyyət orqanlarının gigiyenik təmizliyinə riayət olunmalıdır.

Pasiyent səhər sidiyə getdikdən sonra vaxtı qeyd edərək sonrakı 24 saat ərzində ifraz etdiyi sidiyi ümumi sterilizasiya olunmuş qaba yığmaqla toplayır. Yığılan sidik qarışdırıldıqdan sonra 50-100 ml təmiz quru qaba tökülür, üzərində miqdarı, yığıldığı müddət qeyd edilərək laboratoriyaya çatdırılır.

Müayinə üçün material quru şpatel vasitəsilə porsiyanın müxtəlif yerlərindən götürülməklə, qabın həcminin 1/3-dən çox olmamaq şərtilə təmiz quru qaba toplanır. Kibrit qutusu və uşaq bezlərində olan materiallar müayinə üçün yararsızdır. Əgər material lazımi konteynerə toplanmayıbsa, o zaman materiala baxış keçirilərək onun müayinəyə yararlılığı qiymətləndirilir. Material müayinə üçün yararlı olarsa, o zaman steril quru şpatel vasitəsilə material nəcisin toplanması üçün nəzərdə tutulmuş konteynerə keçirilir. Nümunə götürüldükdən sonra mümkün qədər tez (1-2 saat ərzində) mərkəzə çatdırılmalıdır.

Spermoqramma analizi üçün minimum 3 gün cinsi əlaqə olmamalıdır. Cinsi pəhriz maksimum 7gün olmalıdır. Bu müddət ərzində spirtli içki, sauna kimi prosedurlar qəbul edilməməlidir. Müayinə günü siqaret çəkilməsi tövsiyyə olunmur. Dərmanların qəbulu varsa, həkimlə razılaşdırıldıqdan sonra analizin verilmə vaxtı təyin edilməlidir.

Qarın boşluğunun ultrasəs müayinəsi acqarına aparılmalıdır. Androloji, uroloji və prostat vəzinin ultrasəs müayinəsi zamanı sidik kisəsi dolu olmalıdır.

Ginekoloji abdominal müayinə zamanı sidik kisəsi dolu olmalıdır. Ginekoloji transvaginal müayinə zamanı ilk növbədə sidik kisəsi dolu olmalı (ümumi transabdominal baxış-orqanların quruluşunu öyrənmək üçün), daha sonra sidik kisəsi boşaldılır və müayinə aparılır. Follikulometriyanın müayinəsi menstrual tsiklinin 10-12-14-cü günlərində aparılır.