Qulaq iltihabı — qulağın müxtəlif hissələrinin (xarici, orta və ya daxili) infeksiyaya məruz qalması nəticəsində yaranan iltihabi prosesdir. Xüsusilə uşaqlarda tez-tez rast gəlinən bu vəziyyət, əsasən virus və ya bakterial infeksiyalar səbəbilə baş verir. Ən geniş yayılmış forması orta qulaq iltihabıdır (otitis media) və adətən soyuqdəymə, qrip və digər tənəffüs yolları infeksiyalarından sonra yaranır.
Qulaq iltihabı düzgün müalicə olunmadıqda eşitmə zəifliyi, daxili qulaq problemləri və xroniki ağrılar kimi ciddi fəsadlara səbəb ola bilər. Buna görə də vaxtında müdaxilə çox önəmlidir.
Qulaq iltihabının əlamətləri
Qulaq iltihabının simptomları iltihabın növündən və insanın yaşından asılı olaraq dəyişə bilər. Aşağıda ən çox rast gəlinən əlamətləri qeyd edirik:
- Kəskin və davamlı qulaq ağrısı
- Qulaqdan axıntı (irinli və ya şəffaf)
- Qızdırma və titrətmə
- Eşitmə zəifliyi və ya müvəqqəti eşitmə itkisi
- Baş ağrısı və ya başgicəllənmə
- Körpələrdə əsəbilik, tez-tez ağlama və qulağa toxunmaq istəməmək
Əgər bu əlamətlər bir neçə gündən artıq davam edirsə və ya qızdırma yüksəlibsə, mütləq həkimə müraciət olunmalıdır.
Qulaq iltihabının müalicəsi
Qulaq iltihabının müalicəsi, iltihabın növü və yaranma səbəbindən asılı olaraq fərqli üsullarla aparılır. Ən effektiv nəticə üçün düzgün diaqnoz və müvafiq dərmanlarla müalicə vacibdir. Əgər infeksiya bakterial mənşəlidirsə, həkim tərəfindən antibiotik təyin oluna bilər. Virus mənşəli iltihablar isə daha çox dəstəkləyici müalicə ilə nəzarət altına alınır.
Qulaq iltihabı üçün dərman
Qulaq iltihabı üçün dərman seçimi simptomlara görə dəyişir və aşağıdakıları əhatə edir:
- Qulaq damcıları – ağrını və iltihabı azaldır
- Ağrıkəsicilər və qızdırma salıcılar - ağrını azaltmağa kömək olur
- Antibiotiklər – yalnız həkim təyinatı ilə istifadə olunmalıdır
- Antihistamin və burun damcıları – əgər iltihab allergik mənşəlidirsə və ya burun tıxanıqlığı müşahidə olunursa istifadə etmək olar.
Ev şəraitində isə isti kompres tətbiqi, istirahət və bol maye qəbulu müalicəni dəstəkləyir.
Əgər sizdə və ya övladınızda qulaq ağrısı, eşitmə zəifliyi, qulaqdan axıntı kimi əlamətlər varsa, vaxt itirmədən qulaq-burun-boğaz mütəxəssisinə müraciət edin. Həkim məsləhəti dərman istifadəsi, düzgün olmayan müalicə və gecikmiş diaqnoz ciddi fəsadlara səbəb ola bilər.
Qulaq iltihabının vaxtında və düzgün müalicəsi üçün sizi "Sağlam Ailə" Tibb Mərkəzinə dəvət edirik. Peşəkar LOR həkimlərimiz, dəqiq diaqnostika və fərdi yanaşma ilə sağlamlığınızı bərpa etməyə hazırdır!