Difteriya, əsasən boğaz və burun selikli qişasında yaranan, bakterial mənşəli yoluxucu xəstəlikdir. Bu xəstəliyin əsas səbəbkarı Corynebacterium diphtheriae bakteriyasıdır. Difteriya ciddi fəsadlara, hətta boğazda yığılan qalın təbəqəyə görə nəfəs çətinliyinə səbəb ola bilər. Vaxtında müalicə olunmadıqda isə həyati təhlükə yarada bilər.
Difteriya Xəstəliyi
Difteriya xəstəliyi çox vaxt damcı, yəni öskürək və asqırıq vasitəsilə yayılır. Yoluxmuş şəxsin istifadə etdiyi əşyalar, qablar və ya dəsmallar da infeksiya mənbəyi hesab olunur. Ən çox uşaqlarda və immun sistemi zəif olan insanlarda rast gəlinir.
Həkimlər difteriyanın qarşısının alınması üçün difteriya peyvəndini vacib hesab edirlər. Ümumi peyvəndləmə proqramlarında difteriya peyvəndi uşaqlara erkən yaşlarda vurulur və sonradan gücləndirici dozalarla davam etdirilir.
Difteriya Xəstəliyinin Əlamətləri
Difteriya xəstəliyinin əlamətləri adətən 2–5 gün ərzində biruzə verir. Ən tipik simptomlar isə bunlardır:
Boğazda qalın, boz rəngli örtük (boğazdakı selikli qişada qalın təbəqə);
Boğaz ağrısı və udma çətinliyi;
Yüksək hərarət və zəiflik hissi;
Boyun nahiyəsində şişkinlik (qabarıqlıq);
Səsdə boğuqluq və nəfəs darlığı.
Ciddi hallarda bakteriyanın ifraz etdiyi toksinlər hətta ürək, böyrək və sinir sisteminə zərər verə bilər.
Difteriyanın Müalicəsi və Qarşısının Alınması
Difteriya müalicəsi antibiotiklərlə və antitoksin inyeksiyaları ilə aparılır. Xəstəliyin yayılmasının qarşısını almaq üçün erkən diaqnoz və təcili tibbi yardım vacibdir. Peyvəndləmə isə ən təsirli qoruyucu tədbirdir.