LDH Nədir?
LDH, qlükozanın metabolizmasında rol oynayan bir fermentdir. Bir çox toxumalarda, ən yüksək səviyyələrdə isə əzələlərdə, qaraciyərdə, böyrəklərdə və qırmızı qan hüceyrələrində rast gəlinir.
Bədəndə funksiyasını yerinə yetirə bilməyən, zədələnmiş hüceyrələrin artması LDH səviyyəsinin qanda artmasına təsir edir. Qanda LDH səviyyəsinin təyini testi bir sıra xəstəliklərin identifikasiyasında rol oynayır.
LDH analizi nədir?
Qanda və ya digər bədən mnayelərində LDH fermentinin səviyyəsini ölçərək hüceyrə zədələrin təyin etmək üçün testdir.Normalda qanda aşağı olan LDH səviyyəsi travma və ya xəstəliklər sonrası artır. Xüsusi ilə bizə ürək,qaraciyər,əzələ toxumasındakı problemləri göstərir,diaqnoz qoymağa kömək edir.
Analizin Tətbiq Sahələri
Toxuma Zədələnməsini təyin etmək: LDH testləri, bədənin müxtəlif toxumalarının zədələnib-zədələnmədiyini müəyyən etməyə kömək edir. Yüksək LDH səviyyələri, toxuma zədələnməsinin bir göstəricisi ola bilər.
Xroniki və Kəskin Xəstəliklərin müşahidə edilməsi:məsələn, anemiya, qaraciyər xəstəlikləri və böyrək xəstəlikləri və s. Kimi xəstəlikləri zamanı LDH səviyyələrini artır.
Xərçəng xəstəliyi zamanı: Bəzi xərçəng növlərində LDH səviyyəsinin artması müşahidə olunur. Bəzən isə kimyaterapiya müalicəsinin effektivliyini müşahidə etmək üçün LDH testi istifadə edilə bilər.
Diaqnoz və Müalicə İzləməsi: LDH testləri, bədənin müəyyən orqanlarında və toxumalarında baş verən dəyişiklikləri izləyərək xəstəliyin inkişafını monitorinq etməyə kömək edir.
Diqqət: LDH testi toxuma zədələnməsini təyin etsə də, problemin hansı toxumaya aid olduğunu tək başına göstərə bilməz. Diaqnoz qoyulması üçün əlavə testlər vacibdir.
LDH Analizi necə aparılır? Hazırlıq qaydaları
Qan nümunəsində LDH səviyyəsinin təyin
Test edilməzdən ən azı 24 saat öncə LDH səviyyəsinin dəyişiminə səbəb olan dərman maddələrinin qəbulu və fiziki aktivliklər dayandırılmalıdır.
Sabah saatlarında və ən azı 8 saat aclıq sonrası qan nümunəsi verilməsi məsləhətlidir.
Venoz qan nümunəsi əsasında işlənir.
Bədən Mayesindən Nümunə Alınması:
Bədən mayesinin alınması daha mürəkkəb ola bilər və xüsusi təlimatları izləməyi tələb edir.
LDH Testi Nəticələri və Şərhi
LDH testinin nəticələri, testin aparıldığı laboratoriyanın referans dəyərlərinə əsaslanır. Bu nəticələr, LDH səviyyəsinin normal olub-olmamasını və ya yüksək olduğunu göstərən məlumatlar təqdim edir.
Normativ LDH Dəyərləri:
Ümumi olaraq, LDH səviyyələri müxtəlif laboratoriyalar arasında fərqlilik göstərə bilər. Lakin aşağıdakı təxmini normal səviyyələr verilir:
Kişilər: 135 – 225 U/L.
Qadınlar: 135 – 214 U/L.
Uşaqlar: Uşaqlarda normal LDH səviyyəsi böyüklərdən daha yüksək ola bilər.
Yüksək LDH Səviyyəsinin Mümkün Səbəbləri
LDH səviyyəsi yüksək olduqda, aşağıdakı vəziyyətlərdən biri və ya bir neçəsi mövcud ola bilər:
Hemolitik Anemiya:
Miokard infarktının ilkin mərhələsi zamanı
Əzələ Zədələnmələri
Müxtəlif xərçəng növləri
İnfeksiyalar: Meningit, mononukleoz, və ya qızdırma kimi infeksiyalar
Böyrək və Qaraciyər Xəstəlikləri
Bundan əlavə, yüksək LDH səviyyəsi bəzən dərmanların təsirindən və ya fiziki yüklənmədən də artmış ola bilər. Buna görə də test nəticələri şərh edilərkən həkim bütün faktorlara diqqət yetirir.
Aşağı LDH səviyyəsinin Mümkün Səbələri
Adətən kliniki olaraq nadir görülür.
Bəzi genetik xəstəliklər zamanı mümkündür.
Normadan artıq C vitamini qəbulu da təsir edir.