Qış mövsümü gəldikdə soyuq hava, günəş işığının azalması və qapalı məkanlarda çox vaxt keçirmək insan sağlamlığına birbaşa təsir edir. Bu dövrdə immunitet sistemi zəiflədiyi üçün orqanizm müxtəlif virus və bakteriyalara qarşı daha həssas olur. Xüsusilə uşaqlar və yaşlılar arasında mövsümi xəstəliklər daha geniş yayılır.
İmmunitet sisteminin rolu
İmmunitet bədənin qoruyucu qalxanıdır. Güclü immunitet sistemi virus və bakteriyalarla mübarizə apararaq insanı xəstəliklərdən qoruyur. Lakin yorğunluq, düzgün qidalanmamaq, stress və yuxusuzluq bu sistemi zəiflədir. Bu zaman insan qrip, soyuqdəymə, bronxit kimi xəstəliklərə daha tez yoluxa bilər.
İmmunitet zəifliyi əlamətləri
Orqanizmin müdafiə mexanizmi zəiflədikdə bədəndə müəyyən siqnallar görünür. Bunlara tez-tez xəstələnmək və uzun müddət sağalmamaq, daimi yorğunluq, halsızlıq, dərinin solğunlaşması, saç tökülməsi, dırnaqların tez sınması,uşaqlarda iştahanın azalması və yuxu pozuntuları kimi əlamətlər daxildir.
İmmunitet gücləndirici dərmanlar və vitaminlər
Qış aylarında həkim məsləhəti ilə qəbul edilən immunitet artiran dermanlar və vitamin kompleksləri orqanizmin müdafiə gücünü artırmağa kömək edə bilər. Xüsusilə C vitamini, D vitamini, sink və Omega-3 əlavələri immunitet üçün faydalıdır. Eyni zamanda, bazarda mövcud olan müxtəlif immunitet guclendirici dermanlar düzgün istifadə edildikdə qrip və digər mövsümi xəstəliklərin qarşısının alınmasına dəstək olur. Amma dərman qəbuluna başlamazdan əvvəl mütləq həkimlə məsləhətləşmək lazımdır.
Uşaqlarda immuniteti artırmaq
Soyuq aylarda ən həssas qruplardan biri uşaqlardır. Onlarda tez-tez rastlanan xəstəliklərin əsas səbəblərindən biri zəif immun sistemidir və immunitet artirmaq üçün uşaqların gündəlik qidalanmasına diqqət edilməlidir. Uşaqlarda immunitet artıran qidalar bunlardır:
- Portağal, naringi, kivi kimi C vitamini ilə zəngin meyvələr
- Balıq və yumurta – D vitamini və protein mənbəyi
- Süd məhsulları – kalsium və probiotiklərlə zəngindir
- Bal və qoz-fındıq – enerji və immunitet dəstəyi üçün təbii vasitədir
Bundan başqa, uşaqların açıq havada hərəkət etməsi, kifayət qədər yuxu alması və stressdən uzaq olması da vacibdir.
Qışda xəstəliklərin qarşısını almağın yolları
Mövsümi xəstəliklərdən qorunmaq üçün sadə, amma effektiv addımlar atmaq kifayətdir. Məsələn, əlləri tez-tez yumaq, gigiyena qaydalarına diqqət etmək, qapalı məkanları mütəmadi havalandırmaq, düzgün və balanslı qidalanmaq, gün ərzində kifayət qədər su içmək, soyuq havaya uyğun geyinmək və həkim məsləhəti ilə peyvəndlərdən yararlanmaq kimi tədbirlər sizi qış aylarında xəstəliklərdən qorunmağa kömək edə bilər.