Boccia idman növü üzrə "SENİ CUP" Azərbaycan Çempionatı 2024

Boccia idman növü üzrə “Seni Cup” Azərbaycan çempionatının qalibləri mükafatlandırıldı!

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi, Milli Paralimpiya Komitəsi, Boccia İdman Federasiyası və "Seni" şirkətinin dəstəyi ilə “Seni Cup” Azərbaycan çempionatının final mərhələsi keçirilib.

Çempionatda 5 kateqoriya (BC1, BC2, BC3, BC4, BC5) və uşaq kateqoriyasında 100-ə yaxın idmançı iştirak edib. Final mərhələsinə vəsiqə qazanan idmançılar arasında gərgin və əzmkar mübarizə aparılıb. Vətən müharibəsində şəhid olan qəhrəmanlarımızın övladlarının ifasında Azərbaycan Himni səsləndirilib və Himnin sözləri əlilliyi olan şəxslər tərəfindən işarət dilində təqdim olunub.

Sağlam Ailə Tibb Mərkəzi olaraq yarışın ilk 3 yerini qazanan qaliblərə hədiyyələr təqdim etdik. Onların uğuruna dəstək olmaq və sağlam gələcəyə töhfə vermək bizim üçün qürurvericidir.

Paralimpiya idmançılarının əzmkarlığı və iradəsi hər kəs üçün bir nümunədir. Sağlam Ailə Tibb Mərkəzi olaraq bu cür təşəbbüslərə dəstəyimizi davam etdirəcəyik.