Hepatit A virusu yoluxmuş qida və su vasitəsilə bir şəxsdən digərinə keçir. Həmçinin cinsi əlaqə zamanı yoluxma mümkündür. İlkin simptomlar 2-4 həftə ərzində əmələ gəlir, bu müddətdə xəstələnmiş şəxs yoluxucu hesab olunur və digər kontaktda olduğu insanları yoluxdura bilər.
HAV İgM hepatit A-ya yoluxma zamanı ilkin əmələ gələn antitelləri təyin edir. Kəskin hepatit simptomları olan xəstələrdə və yoluxmanın erkən mərhələsində diaqnostika üçün istifadə olunur.
Simptomlar:
- Qızdırma
- Yorğunluq, əzginlik
- Iştahsızlıq
- Ürəkbulanma, qusma, abdominal ağrı
- Sidiyin rənginin tündləşməsi
- Oynaq ağrıları
- Dərinin və selikli qişaların rənginin saralması
Bəzi şəxslərdə və uşaqlarda hepatit A-ya yoluxma heç bir simptom olmadan və ya orta ağır simptomlarla keçir və çox zaman “qrip” “soyuqdəymə” ilə qarışıq salınır.
- Analiz dirsək venasından götürülən qan nümunəsində yoxlanılır,
- Müayinəyə xüsusi bir hazırlıq tələb olunmur.
- Yüksək temperaturla müşahidə olunan öd durğunluğu əlamətləri olduqda
- Qaraciyər fermentlərinin miqdarının kəskin yüksəlməsi zamanı
- Hepatit A xəstəsi ilə kontaktdan sonra
- Sarılıq, sidiyin tündləşməsi, iştahanın itməsi, yorğunluq, ürəkbulanma, qusma, abdominal ağrı, qızdırma, oynaqlarda ağrı simptomları zamanı
İnfeksiyadan sonra keçən vaxt: bir qayda olaraq, anti-HAV IgM infeksiyadan 5-10 gün sonra, anti-HAV IgG - 2-3 həftədən sonra görünür;
İmmunitet sisteminin vəziyyəti: HAV daxil olmaqla, hər hansı bir yoluxucu agentə qarşı immun cavab immunçatışmazlıqlarda (HİV infeksiyası, uzun müddətli steroid istifadəsi, qocalıq) azalır.