Laym xəstəliyi və ya Laym borreliozu, gənələr tərəfindən yayılan yoluxucu xəstəlikdir. Xəstələrin 90%-dən çoxunda 3-32 gün (orta 8 gün) inkubasiya dövründən sonra gənənin dişlədiyi nahiyədə eritema miqrantları inkişaf edir. Bu eritema adətən qırmızımtıl makula və ya papula şəklində başlayır və yavaş-yavaş mərkəzdənqaçma ilə geniş halqaya çevrilir. Borrelia dəridən digər orqanlara sürətlə yayılır, çoxalır, daşıyıcı hüceyrələri məhv edir və həmin hüceyrənin membranı ilə qidalanır. Yoluxmadan sonra bir neçə gün və ya bir neçə həftə ərzində Borrelia qanla, onurğa-beyin mayesi ilə, miokard əzələsi ilə, gözün torlu qişası ilə, əzələ, sümük, dalaq, qaraciyər, beynin yumşaq toxumaları və beyinlə qidalanır.  Diaqnozun qoyulması üç faktora əsaslanır: Borreliya bakteriyaları olan gənə tərəfindən dişlənilməyə məruz qalma, klinik olaraq əldə edilən məlumatlar və laborator analizlər.

Qanda IgM konsentrasiyası tədricən  azalır. Bir müddət sonra qanda immunoglobulin G (IgG) yaranır. Onlar infeksiyadan bir neçə həftə sonra aşkar edilə bilər və 4-6 aydan sonra maksimum səviyyəyə çatırlar.