Tireoqlobulin –yodlaşmış  zülaldır, tireoid hormonların sintezində iştirak edir.  Tireoqlobulinə qarşı olan antitellərin təyini Haşimoto xəstəliyi, atrofik autoimmun tireodit, diffuz toksik zob kimi qalxanabənzər vəzinin autoimmun xəstəliklərinin təyinində vacib göstəricidir.

Anti-TQ və Anti-TPO-nun birlikdə yoxlanması  əksər hallarda Haşimoto xəstəliyini açkarlamağa və birincili idiopatik hipotireozu təyin etməyə imkan verir.  Haşimoto xəstələrində bir qayda olaraq müalicə zamanı Anti-TQ titri azalır, lakin bəzən elə xəstələr də rast gəlinir ki, Anti-TQ 2-3 il müddətində persistent qalır. 

Anti-TQ titri tireoqlobinə nisbətən daha çox tireotrop hormon ilə korelyasiya edir.  Yod defisiti olan regionlarda qalxanabənzər vəzin autoimmun xəstəliklərinin diaqnostikası üçün Anti-TQ istifadə xüsusilə vacibdir.