IgG subqrupları

İmmunoqlubulinlər orqanizmin immun sisteminin əsas komponentlərindən biridir. Orqanizmə daxil olan yad cisimlərdən, bakteriya və viruslardan qoruyan zülallardır. Ümumilikdə immunoqlobulinlərin 5 növü (IgG, IgM, IgA, IgE, IgD) mövcuddur.

G sinifi immunoqlobulinlər yenidən yoluxmalara qarşı humoral müdafiəni təmin edən əsas immunoqlobulinlərdir. Qanda ümumi immunoqlobulinlərin 70-80%-ni təşkil edir və qan zərdabında müayinə olunur. Bədəndə yarımparçalanma dövrü təxmini 21-24 gündür. Toksin və virusların neytrallaşdırlmasında, antigenləri tanımaqda, yad cisimlərin parçalanması adlanan faqositozun aktivləşməsində və komplement sisteminin klassik üsulla aktivləşməsində xüsusi rol oynayır. Bu sinif immunoqlobulinlər damarlararası məsafəyə nüfuz edə və toxumalarda qoruyucu funksiyanı yerinə yetirirlər. IgG, anadan dölə plasentadan keçən və yenidoğulmuşların ilk 4-6 ayı ərzində qoruyan yeganə immunoqlobulin növüdür.

IgG bir neçə altsinif qruplara bölünür: IgG-1, IgG-2, IgG-3, IgG-4. Altsinif qrupların səviyyəsinin azalması ikincili infeksiyalar barədə məlumat verə bilər. Bəzi hallarda ümumi IgG səviyyəsi norma daxilində olsa da, alt sinifin çatışmazlığı müayinə olunmadan təyin ola bilinmir. IgG alt siniflərinin çatışmazlığı əksər hallarda digər sinif immunoqlubulinlərə də təsir göstərir, məsələn, geniş yayılmış haldır ki, IgG-2 və IgG-4 aşağı olması IgA-nın çatışmazlığı zamanı müşahidə olunur.