Müayinələr
Müayinələr
Urogenital traktın epitel hüceyrələrindən alınan yaxmada polimeraz zəncir reaksiyası vasitəsi ilə “real vaxt” rejimində Mikoplazma DNT-i (Mycoplasma genitalium) müəyyən olunur.
Mikoplazma cinsi yolla ötürülür, qonokok mənşəli olmayan uretrit və prostatitin, kiçik çanaq orqanlarının iltihabi xəstəliklərinə, hamiləlik və döl patologiyalarına, qadınlarda və kişilərdə sonsuzluğun yaranmasına səbəb ola bilir.
Qadınlardan yaxma analizi götürülən zaman vacib şərtlər:
- Cinsi pəhriz - 2 gün
- Son sidik ifrazından 3 saat keçdikdən sonra
- Kolposkopiya müayinəsindən 24 saat sonra
- Vaginal USM müayinəsindən əvvəl
- Vaginal şam qəbulundan 3 gün sonra
- Antibiotik tərkibli dərmanların qəbulundan 14 gün keçməlidir.
- Müayinə götürüləcəyi günü dərindən yuyunmaq olmaz. ( ilıq su ilə yuyunma mümkündür).
Kişilərdən yaxma analizi götürülən zaman vacib şərtlər:
- Müayinə götürüləcəyi gün sidiyə çıxılmamalı və ya son sidik ifrazından 3-4 saat keçməlidir
- Antibiotik tərkibli dərmanların qəbulundan 14 gün keçməlidir
- Urogenital traktın xroniki infeksion etiologiyasının müəyyən oluması
- Sidik-cinsiyyət sisteminin iltihabı
- Hamiləlik
- Uşaqlıqdan kənar hamiləlik
- Sonsuzluq
- İmmunitetin zəifləməsi
- Antibiotikterapiyanın effektivliyinin kontrolu (antibakterial preparatları qəbul etdikdən sonra 1 ay sonra)
- Profilaktik skrininq müayinəsi
Müayinənin nəticəsi “müəyyən edildi” və ya “müəyyən edilmədi” kimi göstərilir.
“müəyyən edildi” araşdırılan bioloji materialda Mycoplasma genitalium-ə spesifik DNT fraqmenti; Mycoplasma genitalium infeksiyası aşkarlanır.
“müəyyən edilmədi”: araşdırılan bioloji materialda Mycoplasma genitalium-ə spesifik DNT fraqmenti aşkarlanmır və ya nümunədəki törədicinin konsentrasiyasının testin həssaslıq həddindən daha aşağı olduğu aşkarlanır.