Dünya əhalisinin ən az yarısı hər il başağrıları ilə qarşılaşır. Ağrı başın istənilən tərəfində ola bilər. Eyni zamanda başın hər iki tərəfində yerləşşə bilər.
Mümkün Səbəblər
Baş ağrıları birincili və ikincili olur. Birincili baş ağrılarının səbəbi birbaşa baş və boyundakı qan damarları, əzələlər və sinirlərlə bağlı olur. Bu kateqoriyaya miqren, gərginlik baş ağrıları aiddir.
İkincili başağrısı isə hər-hansı bir sindrom və ya xəstəliyin əlaməti olaraq özünü göstərir. Çox geniş faktorlar başağrısına səbəb ola bilər, bura aiddir:
- Alkoqol qəbulundan sonrakı başağrı
- Beyin şişləri
- Damarlarda tromblar
- Dəm qazı ilə zəhərlənmə
- Dehidratasiya
- Qlaukoma
- Ağrıkəsici dərmanların normadan çox qəbul edilməsi
- Panika tutmaları
- İnsult
- Qan təzyiqinin yüksəlməsi
- Stress
- Emosional gərginlik
Diaqnostika
Baş ağrısının növünün və səbəbinin təyini üçün bir-çox hallarda anamnez toplanması və fiziki müayinə yetərli olur. Lakin mürəkkəb baş ağrılarının səbəbini aydınlaşdırmaq üçün - Qan analizləri
- Rentgen
- Kompüter tomoqrafiya / Maqnit-rezonans tomoqrafiya
İstifadə olunur.
Müalicə
Baş ağrılarının əksəriyyəti dincəlmək və ağrıkəsici qəbulu ilə aradan qaldırılır. Həkim təyinatına əsasən ağrıların təkrarlanmaması üçün trisiklik antidepressantlar, serotoninin geri tutulmasının blokatorları, epilepsiya əleyhinə preparatlar və beta-blokatorlar da qəbul edilə bilər. Belə dərmanları həkim göstərişi ilə içmək vacibdir, çünki həddən çox dərman istifadəsi özü də başağrılarına səbəb ola bilər.
Baş ağrısı
Baş ağrısı, həyatımızın müxtəlif dövrlərində hər kəsin qarşılaşdığı yayılmış bir narahatlıqdır. Bu problem fiziki və emosional səbəblərdən qaynaqlana bilər və fərqli intensivlik və xarakter daşıya bilər. Baş ağrısı həm yüngül, keçici, həm də ciddi tibbi müdaxilə tələb edən xroniki ola bilər.
Baş ağrısının səbəbləri müxtəlifdir. Stress, yuxu pozğunluğu, dehidrasiya, hormonal dəyişikliklər, yüksək qan təzyiqi, görmə problemləri və hətta bəzi qidalar belə baş ağrısına səbəb ola bilər. Xüsusilə miqren, gərginlik tipli baş ağrısı və ya sinusit kimi tibbi vəziyyətlər ağrının daha spesifik səbəblərindən ola bilər.
Baş ağrısını aradan qaldırmaq üçün öncə onun səbəbi müəyyən edilməlidir. Müalicə yanaşmaları arasında ağrıkəsici dərmanlar, düzgün qidalanma, kifayət qədər su qəbul etmək, istirahət etmək və stressi idarə etmək kimi tədbirlər yer alır. Xroniki baş ağrısı hallarında isə mütləq həkimə müraciət etmək lazımdır.
Əgər baş ağrılarınız davamlı və ya şiddətlidirsə, vaxt itirmədən Sağlam Ailə həkimlərinə müraciət edin. Təcrübəli mütəxəssislərimiz sizin üçün doğru diaqnoz və müalicə metodlarını tətbiq edərək, baş ağrılarınızı aradan qaldırmağa və həyat keyfiyyətinizi artırmağa kömək edəcəklər.