Qadın orqanizmi 30 yaşdan sonra mühüm hormonal və maddələr mübadiləsi dəyişiklikləri yaşayır. Müntəzəm tibbi müayinələr vacib olsa da, bəzi laborator analizlər xroniki xəstəliklərin, hormonal və qidalanma pozğunluqlarının erkən aşkarlanması üçün həyati əhəmiyyət daşıyır.
Qadın sağlamlığı üçün ən çox maraq doğuran mövzular Vitamin D səviyyəsi və ümumi qan analizi testidir. Aşağıda 30 yaşdan yuxarı hər bir qadının yoxlamalı olduğu 5 əsas analiz qeyd olunur.
Lipid Profili (Xolesterin, LDL, HDL, Trigliserid)
Ürək-damar xəstəlikləri dünyada ölüm səbəbləri arasında ilk sıralardadır. Buna görə lipid profili analizi ürək sağlamlığının riskini qiymətləndirmək üçün vacibdir. Bu analiz xolesterin, trigliserid, LDL və HDL kimi yağ növlərini ölçür.
Əsas göstəricilər:
Xolesterin: Bədənin normal fəaliyyəti üçün vacibdir, lakin yüksək səviyyəsi ürək üçün risklidir.
LDL xolesterin: “Pis xolesterin” adlanır. Arteriyalarda yığılıb tıxanma yarada bilər.
HDL xolesterin: “Yaxşı xolesterin”dir, LDL-i bədəndən uzaqlaşdırır.
Trigliserid: Qidalanma, artıq çəki və şəkər xəstəliyi riski ilə əlaqəlidir.
Lipid profili analizi yüksək çıxarsa, dərhal pəhriz və həyat tərzində dəyişikliklər etmək məsləhətdir.
Ümumi Qan Analizi (CBC) Testi
Ən çox aparılan analiz növü ümumi qan analizidir. Bu analiz orqanizmin ümumi vəziyyətini göstərir və bir çox xəstəliklərin ilkin mərhələdə aşkarlanmasına kömək edir.
CBC nələri göstərir:
Anemiya və dəmir çatışmazlığı: Qadınlarda menstruasiya səbəbindən daha çox müşahidə olunur. Yorğunluq və halsızlığın əsas səbəblərindən biridir.
İnfeksiya və iltihab: Ağ qan hüceyrələrinin sayı bədəndə gizli infeksiya və iltihabı göstərə bilər.
Trombositlər: Qanın laxtalanmasında mühüm rol oynayır.
Vitamin D və Kalsium analizləri
Vitamin D ən çox axtarılan analizlərdəndir və həm sümük sağlamlığı, həm də immun sistem üçün mühümdür. Vitamin d bədəndə hormon kimi fəaliyyət göstərir.
30 yaşdan sonra niyə vacibdir:
Sümük sağlamlığı: Vitamin D kalsiumun mənimsənilməsinə kömək edir və osteoporozun qarşısını alır.
İmmunitet: Aşağı olması infeksiyalara və autoimmun xəstəliklərə yol aça bilər.
Enerji və əhval: Yorğunluq, əzələ zəifliyi və depressiya ilə nəticələnə bilər.
Günəş şüalarının az olduğu hallarda, Vitamin D analizi və lazım gəldikdə qida əlavəsi qəbul etmək tövsiyə olunur.
Qalxanabənzər Vəzi (Tirod) Testləri – TSH və FT4
Qalxanabənzər vəz (tiroid) maddələr mübadiləsini, enerjini, ürək ritmini və bədən istiliyini tənzimləyir.
30 yaşdan sonra qadınlarda hipotiroidizm kimi problemlər daha çox rast gəlinir və bəzən simptom vermədən inkişaf edir.
Əsas analizlər:
TSH (Tiroid Stimullaşdırıcı Hormon): Tiroidin aktivliyini müəyyən edən ilkin analizdir.
FT4 (Sərbəst tiroksin): Toxumalara təsir edən aktiv hormon səviyyəsini göstərir.
Əgər səbəbsiz çəki artımı, yorğunluq, üşümə və ya saç tökülməsi müşahidə edirsinizsə, mütləq tiroid analizi verilməlidir, qadınlar üçün check-up paketləriilə yaxından tanış ola, sağlamlığınızın qeydinə qala bilərsiniz.
Sağlamlığınız üçün ümumi nəzarət necə olmalıdır
30 yaşdan sonra qadınlar üçün uzunmüddətli sağlamlığı qorumaq məqsədilə müntəzəm lipid profili, ümumi qan analizi və Vitamin D səviyyəsinin ümumi analizləri yoxlanması vacibdir. Bunun üçün Sağlam Ailə-nin qadınlar üçün analiz paketləri ideal seçimdir.