Qulaqda cingilti (tinnitus) xarici səs olmadan qulaqda və ya başda eşidilən uğultu, çınqıltı, fit və ya digər səslərlə xarakterizə olunan vəziyyətdir. Bu problem müvəqqəti ola biləcəyi kimi, xroniki hal da ala bilər.
Qulaqda Cingilti Nədir?
Tinnitus, hər hansı real səs mənbəyi olmadan eşidilən səslərin ümumi adıdır. Bu səslər bəzən çox zəif, bəzən isə gündəlik həyat keyfiyyətinə təsir edəcək dərəcədə güclü ola bilər.
Qulaqda Cingiltinin Əsas Səbəbləri
- Qulaq kiri yığılması - Qulaq kirinin toplanması eşitmə kanallarını daraldaraq uğultu və cingiltinin yaranmasına səbəb ola bilər.
- Yüksək səsə məruz qalma -Konsertlər, qulaqcıqlarla yüksək səsdə musiqi dinləmək və ya səsli mühitdə uzun müddət qalmaq qulaqda zədələnməyə gətirib çıxarır.
- Yaşa bağlı eşitmə itkisi - Yaşlandıqca qulaq hüceyrələrinin zəifləməsi tinnitusun ən çox rast gəlinən səbəblərindən biridir.
- Qulaq infeksiyaları və təzyiq problemləri - Orta qulaq infeksiyaları, sinus problemləri və ya daxili qulaq təzyiqində dəyişikliklər də cingiltini yarada bilər.
Qulaqda Cingiltinin Simptomları
- Bir və ya hər iki qulaqda davamlı və ya aralıq səslər
- Səsin tonu və intensivliyində dəyişikliklər
- Bəzi hallarda yuxu çətinliyi və diqqət pozğunluğu
- Günlük həyat keyfiyyətinə mənfi təsir
Qulaqda cingilti (tinnitus) bəzən sadə səbəblərdən qaynaqlansa da, uzunmüddətli və güclü olduqda ciddi qulaq və ya sinir sistemi problemlərinin göstəricisi ola bilər. Ona görə də davamlı cingiltidən əziyyət çəkirsinizsə, vaxt itirmədən həkimə müraciət etməyiniz vacibdir.