Səhiyyə sisteminin inkişafı ilə bağlı keçirilən islahatlar dövlətimizin həyata keçirdiyi sosial siyasətin başlıca istiqamətlərindəndir. “Uşaqların sağlamlığının təmin olunması və qorunması hər kəs üçün böyük və müqəddəs vəzifədir” şüarı ilə bu islahatlara dəstək olmaq məqsədilə Sağlam Ailə Tibb Mərkəzi 23 və 30 noyabr 2016-cı il tarixlərində “Sehirli Dayə” uşaq bağçasında məktəbəqədər təhsil alan balacalar üçün müayinə turu təşkil edib. 2 gün ərzində balacalar pediatr, oftalmoloq, stomatoloq, otolorinqoloq müayinəsindən keçib və nəticələrdən asılı olaraq onlar üçün müalicə kursu təyin olunub.
