Kalsium
Kalsium dişlərin və sümüklərin meydana gəlməsində həyati vacib əhəmiyətə sahib mineraldır. 99% i sümük və dişlərdə olan kalsiumun 1 % i isə qan, əzələ və digər toxumalarda olur. Orqanizmdə əzələlərin yığılması, sümüklərin qorunması, damarların genişlənməsi , ferment və hormonların ifraz oluna bilmsi üçün kalsiuma ehtiyac vardır. Orqanizmə qidalar vasitəsi ilə daxil olan kalsiumun bağırsaqlardan sorulmasına D vitamini köməkçi olur.
Orqanizmdə kalsium çatışmazlığı olduqda sümüklər zəifləyir, osteoporoz riski artır, diş çürüməsi və əzələ spazmları baş verə bilər. Uzun müddətli kalsium çatışmazlığı sümük əriməsinə (osteoporoz) səbəb ola bilir. Bu da yaşlandıqca sümük sınıqlarının və oynaq problemlərinin yaranmasına gətirib çıxarır. Bundan başqa, kalsium bədəndə hormonların tarazlığını qorumağa və qan laxtalanma prosesinə də təsir göstərir.
Kalsium haqqında ətraflı məlumat üçün keçid edin!
Ən yaxşı kalsium dərmanı
Bəzi insanlar qidalanma yolu ilə kifayət qədər kalsium ala bilmir və buna görə ən yaxşı kalsium dərmanı axtarırlar. Xüsusilə yaşlılar, hamilə qadınlar və sümük əriməsi riski olan şəxslər üçün düzgün dərmanı tapmaq vacibdir. Kalsium tək başına qəbul edildikdə həmişə effektiv olmur, ona görə də ən yaxşı kalsium preparatları adətən D3 vitamini, K2 vitamini və maqnezium ilə birlikdə olur. Ən yaxşı kalsium dərmanı seçərkən onun orqanizm tərəfindən necə mənimsənildiyi nəzərə alınmalıdır. Həmçinin, bu dərmanları qəbul etməzdən əvvəl həkimlə məsləhətləşmək vacibdir, çünki həddindən artıq kalsium qəbul etmək böyrək daşı riskini artıra bilər.
Kalsium dərmanları
Bazarda müxtəlif növ kalsium dərmanları mövcuddur. Bu dərmanlar əsasən kalsium çatışmazlığının qarşısını almaq və sümük sağlamlığını qorumaq üçün tövsiyə edilir. Ən çox istifadə olunan kalsium dərmanları arasında:
- kalsium karbonat,
- kalsium sitrat,
- kalsium laktat,
- kalsium qlükonat yer alır.
Bu dərmanlar sümük kütləsinin qorunmasına, osteoporozun qarşısının alınmasına və əzələ funksiyalarının dəstəklənməsinə kömək edir. Kalsium karbonat ən çox istifadə olunan formadır, çünki içərisində daha yüksək faizdə kalsium ehtiva edir. Lakin, kalsium karbonat mədə turşusuna ehtiyac duyduğu üçün yeməklə birlikdə qəbul edilməsi tövsiyə olunur. Kalsium sitrat isə turşuluğa ehtiyac duymadan sorula bildiyi üçün mədə problemləri yaşayan insanlar üçün daha uyğundur. Bundan əlavə, bəzi kalsium dərmanları içərisində əlavə olaraq D vitamini və maqnezium da olur ki, bu da kalsiumun sorulmasını daha da yaxşılaşdırır. Bu dərmanları qəbul edərkən su içmək də vacibdir, çünki bu, onun bədəndə düzgün şəkildə yayılmasına kömək edir.
Kalsium tərkibli qidalar hansılardır?
Bir çox süd məhsulu, bitki tərkibli qidalar və ət məhsulları kalsium baxımından zəngin qidalardır.
Süd məhsulları:
Parmezan pendiri ən çox kalsium tərkibli pendirlər arasındadır. 30 q-da təxminən 331 mq kalsium vardır və gündəlik tələbatı orta hesabla 33% -ni ödəyir.
Bir fincan (245 qram) sadə qatıq gündəlik kalsium ehtiyacının təxminən 30% -ni qarşılayır. Az yağlı qatıqlar kalsium baxımından daha zəngindir. Kalsiumla zəngin olan süd məhsulları bunlardır:
- Süd
- Pendir
- Qatıq
- soya südü
Kalsium tərkibli tərəvəzlər
- İspanaq
- Kələm
- Brokoli
- Soya
- kartof
- Balqabaq
Kalsium tərkibli meyvələr
Narıncı
Balqabaq
Kalsium tərkibli ət məhsulları:
Xüsusilə sardalya və somon balıqları yüksək kalsium tərkibli qidalar arasındadır. 92 q sardina gündəlik kalsium ehtiyacının təxminən 35% -ni, 85 q somon isə gündəlik tələbatın təxminən 21% -ni qarşılayır.
- Sardina
- Somon
Kalsium olan dənli bitkilər, paxlalılar, tum və quru meyvələr:
Tumlu bitkilərin çoxunda kalsium var1 xörək qaşığı (9 qram) susam toxumu gündəlik ehtiyacın təxminən 9% -ni qarşılayır (1).
Badam kalsium baxımından ən yüksək dəyərlərə sahib olan quru meyvələrdən biridir. Təxminən 30 q badam gündəlik kalsium ehtiyacının 8% -ni təşkil edir.
Lobya və mərcimək də kalsium tərkiblin qidalar arasındadır. Bir fincan (172 qram) bişmiş lobya və ya mərcimək gündəlik kalsium ehtiyacının təxminən 4-13% -ni təmin edir.
- Susam
- Badam
- Quru əncir
- Günəbaxan tumu
- Lobya
- Mərcimək
Gündəlik kalsium ehtiyacını qarşılamaq üçün nə yeməli?
Yetişkinlər üçün ortalama gündəlik kalsium ehtiyacı 1300 mqdir. Buna görə gündəlik kalsium ehtiyacı 1 stəkan süd, 2 dilim az yağlı pendir və 2 porsiya tərəvəz ilə asanlıqla ödənilə bilər.
Süd məhsulları yerinə nə yemək olar?
Gündəlik kalsium ehtiyacını ödəmək üçün süd məhsulları yerinə portağal, balqabaq və əncir kimi meyvələr; bamya, kələm, ispanaq, soya, brokoli, arugula kimi tərəvəzlər; sardina, qızılbalıq kimi ət məhsulları; küncüt, haşhaş, chia kimi toxumlar və günəbaxan toxumu, badam, quru əncir kimi quru meyvələr qəbul edilə bilər.
Kalsium analizi və digər suallarınızla bağlı, eyni zamanda online qeydiyyatdan keçmək üçün (012) 910 nömrəli Çağrı Mərkəzi və ya (055) 4000 910 nömrəli Whatsapp nömrəmizlə əlaqə saxlaya bilərsiniz.
Onlayn qeydiyyat üçün http://www.saglamaile.azsaytımızın və rəsmi sosial media hesablarımızın ismarıc bölməsindən yazaraq onlayn qeydiyyatdan keçə bilərsiniz.